بحبك اربع مرات(قصة جميلة اوى عن محبة ربنا لينا)

اذهب الى الأسفل

default بحبك اربع مرات(قصة جميلة اوى عن محبة ربنا لينا)

مُساهمة من طرف rinamora في الخميس 15 مايو 2008 - 20:50

كان مرة فى رسام موهوب جدا جاتله فكرة لوحة حلوة اوى فى خياله. جهز فرشه و الوانه و ادواته و استعد انه ينفذها. فضل سهران عليها ليالى كتير لحد ما خلصها بابداع و كان فرحان اوى اوى بيها راح مسكها قدامه و قالها انا بحبك مرتين مرة لما كنتى فكرة فى خيالى و مرة لما سهرت عليكى الليالى.
و فى مرة كان الرسام برة البيت و لما رجع ما لقاش اللوحة بتاعته كان جه حرامى سرق حجات كتير من البيت و من ضمنهم اللوحة. حزن جدا جدا الرسام على اللو حة بتاعته.
الحرامى اللى خد اللوحة اظاهر مكنش عارف قيمتها راح يبيعها لواحد بتاع لوحات ضحك عليه و قاله دى متساويش غير عشرين جنيه و وافق الحرامى.
و فى مرة كان الرسام معدى لقى اللوحة بتاعته عند الراجل بتاع اللوحات قاله دى اللوحة بتاعتى انا عايزها الراجل قاله دى بالف جنيه راح الرسام قاله بس دى بتاعتى انا اللى عاملها قاله عايزها اشتريها بالف جنيه ده اخر كلام عندى.
راح الرسام باع كل حاجته و رجع اشترى اللوحة و روح بيها البيت و كان مبسوط اوى اوى و مسكها تانى و قالها بحبك تلات مرات مرة لما كنتى فكرة فى خيالى و مرة لما سهرت عليكى الليالى و مرة لما دفعت فيكى تمن غالى.
بعدها دخل ينام بس ماجالوش نوم كان لسة مضايق من حاجة ان اللوحة اتخربشت و اتبهدلت من الحرامى. راح قام جهز فرشه و الوانه و ادواته تانى و فضل يصلح فيها لحد ما خلاها احلى من الاول و مسكها تانى و قالها
بحبك اربع مرات مرة لما كنتى فكرة فى خيالى و مرة لما سهرت عليكى الليالى و مرة لما دفعت فيكى تمن غالى و مرة لما رجعتك للى كان فى بالى
بالظبط ده اللى ربنا عمله معانا خلقنا على احسن صورة على صورته و مثاله و لما ضعنا منه دفع فينا اغلى تمن دمه الغالى على الصليب و محبيته لينا منتهتش عند الصليب لكن فى كل مرة نخطئ بيسامحنا و يجددنا
يا رب تكون القصة عجبتكم و سورى انى مش عارفة اكتبها بالظبط اصلى انا مش نقلاها انا سمعتها و حبيت اكتبها

rinamora

عدد الرسائل : 23
العمر : 29
تاريخ التسجيل : 09/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: بحبك اربع مرات(قصة جميلة اوى عن محبة ربنا لينا)

مُساهمة من طرف tony2010 في الإثنين 19 مايو 2008 - 3:57

ميرسى على القصص الرائع ده

ربنا يعوضك


avatar
tony2010
نائب مدير

عدد الرسائل : 575
الموقع : قلب يسوع
الاوسمه :
تاريخ التسجيل : 04/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: بحبك اربع مرات(قصة جميلة اوى عن محبة ربنا لينا)

مُساهمة من طرف rinamora في الثلاثاء 20 مايو 2008 - 12:29

ميرسى كتير يا طونى على مرورك

rinamora

عدد الرسائل : 23
العمر : 29
تاريخ التسجيل : 09/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: بحبك اربع مرات(قصة جميلة اوى عن محبة ربنا لينا)

مُساهمة من طرف kmmmoo في الثلاثاء 10 يونيو 2008 - 22:48

ميرسى على تعبك

kmmmoo

عدد الرسائل : 4
العمر : 58
الموقع : رئيس الملائكه ميخائيل
تاريخ التسجيل : 10/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى